Пишуван неконвенционално, со огроман љубов и страст, Вагон-ресторан на Дирјан претставува вонреден пример за своевиден „меланж“ на: патопис, автобиографско писмо, ерудициски стил, поетска проза, интертекст…Лилјана Дирјан, со еднаква страст, се впушта во авантурите на приказната. Нејзиниот исклучителен талент за поетски дискурс, специфичниот светоглед и асоцијативната моќ креираат еден мошне оригинален, уникатен и специфичен „дирјановски“ стил што доминира низ секоја страница на Вагон-ресторан.
А интересот за другите и за другоста (земји, народи, култури…), имаголошките претстави за далечното како блиско и свое, претставуваат редок дар и неповторливо споделено искуство.
