ЦРНА МАЈКА ЗЕМЈА од Кристијан Новак

„Црна мајка земја“ е моќна и, на моменти, мачна приказна за младиот и успе шен писател Матија, кој се обидува да ја надмине креативната, но и љубовната блокада, процес што ќе го одведе до болните и потиснати трауми од детството. Животот исполнет со лаги и со лажни сеќавања наеднаш доживува пресврт, па Матија ќе мора да се соочи со духовите од минатото. Книгата е добитник на наградата „Роман на годината“ што ја доделува „Тпортал“ (tportal). Романот е преведен на многу јазици и поместен е во листата на десетте најдобри хрватски романи во последните 50 години. Според романот, во 2017 г. е адаптирана и театарска претстава во продукција на ЗКМ (Загребач ко казалиште младих) и претставата сѐ уште е на репертоарот, а во процес на снимање е и игран филм.