„Избраниот член“ е роман за едно нефункционално еврејско семејство, но и покрај трагичните елементи во оваа приказна, сепак комичното го прави овој роман вистинско читачко уживање. Норман е најпаметниот во едно тесно поврзано еврејско семејство од источниот дел на Лондон. Чудо од дете; брилијантен адвокат; зеница во очите на неговите родители… сè до неговата четириесетта година кога станува зависник од дрога, затворен во својата спална соба, на милост и немилост на неговите халуцинации и параноја. За Норман, одењето во ментална болница претставува врвен чин на предавство. За рабинот Звек, таткото на Норман, влошената состојба на синот е горчлив потсетник за неговата вина и неуспех. Само Бела, немажената инфантилна сестра со бели чорапчиња до глуждови, може да премине преку бездната на болка за да го овозможи неостварливиот мир меѓу таткото и синот, мирот по кој и двајцата толку очајно копнеат.
300,00 ден
Избраниот член
Автор: Бернис Рубенс
Издавачка куќа: Полица
Година на издавање: 2019
Оригинален наслов: The Elected Member
На залиха
Questions and Answers
You are not logged in
Поврзани производи
Избрани драми. 2
400,00 денАвтор: Горан Стефановски
Издавачка куќа: Полица
Број на страни: 388
Година на издавање: 2021
Кактус
550,00 денАвтор: Сара Хејвуд
Издавачка куќа: Полица
Број на страни: 372
Година на издавање: 2020
Оригинален наслов: Cactus
ЦВЕЌИЊА
400,00 денАвтор: Афонсо Круш
Издавачка куќа: Полица
Број на страни: 239
Година на издавање: 2019
Оригинален наслов: Flores
Драго Јанчар – Џојсовиот ученик
250,00 ден„Џојсовиот ученик“ од Драго Јанчар е збирка раскази изградени околу ликови вовлечени во значајни историски настани. Насловниот расказ е инспириран од страшната и вистинска животна приказна за Борис Фурлан, млад човек што одел на часови по англиски јазик кај Џејмс Џојс, додека тој предавал на универзитетот во Трст, воведувајќи ги своите студенти во суптилностите на јазикот преку описите на газиена ламба. Додека приказните обработуваат разни теми на различни локации и ситуации, од службено патување во Њујорк до аџилак до Сантијаго де Компостела, наративите споделуваат расположение на опасност и мрачност. Анонимни армии вршат масакри, лекар е опседнат со очите на Ајнштајн… Но, и покрај целата бруталност и смрт, читателот не ја чувствува книгата како мрачно или депресивно четиво. Низ расказите се чувствува и повев на остра смисла за хумор, што ја отвора вратата за нова светлина. Опишан како „сеизмолог на хаотичната историја“, Јанчар се потврдува како еден од водечките словенечки литературни гласови на неговата генерација преку оваа исклучителна збирка кратка фикција.
Андреј Ал-Асади – Утрото на бессоните
200,00 ден„Утрото на бессоните“ е втората збирка раскази од Андреј Ал-Асади, по „Друго минато“ (Темплум, 2018), за која ја доби наградата за дебитантско прозно дело „Новите!“. Во оваа збирка Ал-Асади одлучно и бескомпромисно го „истражува“ младиот човек во својот урбан контекст, во својата психолошка замрсеност, соочен со безизлезност, заробеност, несоодветност, меланхоличност, честопати отсликани со очудувачка и онирична форма, водејќи го читателот по патот на некоја друга, помалку позната или непозната човечка свест и потсвест. Патот по кој авторот го води читателот минува низ фантастични и завиени предели, притоа искажувајќи ја „многуслојноста“ на себеспознавањето на главните ликови, но исто така преточувајќи ја во алегорија за животот на урбаниот млад човек. Но, сево ова Ал-Асади не го искажува со неоснован бунт и младешки пркос, туку напротив, неговото пишување се одликува со самоуверена и концизна мисла, која засегнува пошироки, универзални и безвремени прашања што ја измачуваат човечката мисла (себеспознавањето, духовноста, несфатеноста, младешкиот идентитет…).