Песните во книгата ја изразуваат поетската вештина, не само за исполнување одредена форма, туку и за наоѓање простор во неа за испитување на јазичната разиграност, духовитоста, звучноста, но, исто така, и на полисемичноста на зборовите на српски јазик. Играње со правила и задачи, но, исто така, и пребарување и наоѓање нови значења и комбинации. Во исто време, поетот носи сериозна содржина во овие поетски форми: приказната за историјата на родниот крај, но и за неговиот книжевен интерес околу проблематиката на домот и бездомништвото, трагедијата и комиката, поетиката и етиката итн.
Ѓоко Здравески, Ана Голејшка-Џикова – Астални проекции
400,00 ден„Астални Проекции“ – поетскиот маратон кој четириесет месеци им даваше посебен „шмек“ на скопските вечери и ноќи – на астал.
Скопскиот „пијан брод“ што го кормилареа Ана Голејшка и Ѓоко Здравески секој прв вторник во месецот се прибираше во својот пристан, чаршиската „Менада“, за да прими нови патници, а оттаму пловеше без котва и сѐ уште се снове по нашите мисли и животи. На неговата палуба запознавме стотици поети и поетеси од нашето маало и од светот. Екипажот ни го пренесува во книгава курсот на патешествието, за да го фатат и оние што задоцниле, а на другите да не им избега од вид. Втората, исклучително драга книга во монографската едиција „Плочка“ го документира – со стихови и слики – едно од нашите најубави градски искуства. „Кај и да е, кај и да е…“
