Оксана Алексеев е млада, убава, силна и самостојна жена. Не сонува за љубовни бајки, но едно лето станува главен лик во една таква бајка. Се вљубува во Јон, кој на денот на промоцијата на неговата книга ќе ѝ напише заводлива посвета: „За мистериозната Русинка со црн тен и палаво срце“
Нивната љубов се случува преку ноќ и ги носи на седмо небо, каде што заедно ги живеат своите соништа. Совршено се разбираат сè до моментот кога на патот на нивната среќа се испречува една одлука. Јон решава да ја скрои нивната иднина по негова мерка, а тоа претставува закана за самостојноста на Оксана.
Исправена пред моментот кога треба да го жртвува сопственото „јас“ за да остане покрај човекот што неизмерно го љуби, Оксана носи одлука за судбината на нивната заедничка приказна.
